Gwybodaeth am y Cwmni
Hyd at £30,000 yn dibynnu ar brofiad.
Gwybodaeth am y Cwmni / Sefydliad:
Yr Heddlu Trafnidiaeth Prydeinig (HTP) yw’r heddlu cenedlaethol
sy’n gyfrifol am rwydwaith y rheilffyrdd. Ers 1825, mae’r
gwasanaeth blaengar ac amrywiol hwn yn ymgymryd ag amrywiaeth o
faterion o ddiogelwch defnyddwyr a staff y rheilffordd, lladrad
a thresbasu i wrthderfysgaeth. O ganlyniad i benodi Awdurdod yr
Heddlu ym mis Gorffennaf 2004 cafwyd newid ym marn yr HTP o’r
ffordd yr oeddent yn darparu eu gwasanaeth i’w cwsmeriaid,
yn fewnol ac yn allanol. O ganlyniad, mae’r HTP yn cynnig
cyfleoedd gyrfa anhygoel yn eu Canolfan Cofnodi Troseddau sy’n
agor yng Nghaerdydd yn y dyfodol agos.
Disgrifiad
Yn gyfrifol am Broses Genedlaethol yr HTP o Gofnodi Troseddau, gofal
cychwynnol i ddioddefwyr, ymateb ymchwiliadol a materion ansawdd
data. Sicrhau bod y ganolfan yn darparu gwasanaeth o’r safon
uchaf, mewn modd proffesiynol a chydsyniol. Rheoli’r staff
a chael cyfrifoldeb llawn dros gyllideb y ganolfan. Sicrhau bod
yr holl wybodaeth sy’n cael ei chasglu’n cael ei chofnodi
a’i chadw’n ddiogel yn unol â gofynion rheoliadol.
Rhoi cyfrifoldeb i’r Dirprwy Reolwr ac Arweinyddion Tîm
i fentora, hyfforddi a datblygu eu priod dimau. Cynllunio a chyflwyno
cynlluniau strategol gan sicrhau y cyflawnir amcanion. Sicrhau bod
perfformiad staff yn cael ei arfarnu’n rheolaidd. Mynychu
cyfarfodydd Uwch Dîm Rheoli’r Heddlu pan fo’n
briodol.
Manyldeb yr Ymgeisydd
- Cymhwyster hyd at lefel gradd neu lefel gyfatebol, gyda thua
3 i 5 mlynedd o brofiad rheoli ymarferol, yn ddelfrydol o fewn
Canolfan Gyswllt.
- Mae gwybodaeth sylfaenol o Gyfraith Troseddau, Safonau Cofnodi
Troseddau Cenedlaethol, a rheolau Cyfrifo’r Swyddfa Gartref
yn ddymunol.
- Rhaid bod wedi arddangos rheolaeth lwyddiannus o’r gyllideb.
- Lefelau uchel o hunan gymhelliant.
- Hyblyg gydag oriau gwaith.
- Hyder i greu a dylanwadu ar bolisïau, arferion a gweithdrefnau’r
heddlu.
Sgiliau
- Sgiliau cyfathrebu ardderchog, ar lafar ac yn ysgrifenedig.
- Gallu i greu cydberthnasau da gydag eraill.
- Mae sgiliau cyfrifiadurol yn hanfodol.
- Sgiliau rhyngbersonol gwych.
Manteision
- Cyfle i ddylanwadu ar ffurf y busnes.
- Cyflog cychwynnol ardderchog yn ddibynnol ar brofiad.
- Hyfforddiant llawn a chyfleoedd gyrfa yn y tymor hir.
- Wedi ei leoli yng nghanol y ddinas, delfrydol i ddefnyddwyr
trafnidiaeth gyhoeddus.
Gwnewch gais am y swydd hon: cardiff.contactcentres@hays.com
|
